Д.Батсүрэн хамгийн залуу Их Мастер боллоо

Энэ сарын 1-6-ны өдрүүдэд цахимаар зохион байгуулагдсан Дэлхийн Шатрын Холбооны 91 дэхь Конгресс дээр Их мастер цолны 3 нормын болзол биелүүлээд байсан Орхон аймаг, Эрдэнэт хотын уугуул, “Дагшаахүү” шатрын клубын тамирчин, БЗД-ийн 33-р сургуулийн сурагч, ОУМ Д.Батсүрэн нь 2020 оны 11-р сарын 1-ний өдрийн байдлаар нийтлэгдсэн Дэлхийн Шатрын Холбооны стандарт гадаад чансаа бодолтоор гадаад чансаагаа +23.2-оор нэмэгдүүлж, гадаад чансаа 2500 давсан амжилтаар шатрын спортын ноён оргил болох ИХ МАСТЕР цол хүртэх нь батлагдлаа.

Ингэснээр Д.Батсүрэн Монгол улсын эрэгтэйчүүдийн 8 дахь Их мастер цолтон болж, Монгол улсын хамгийн залуудаа шатрын спортын Их мастер цолонд хүрсэн тамирчны рекорд амжилтыг 16 настайгаар шинэчлэн тогтоож байна.

МОНГОЛЫН ШАТРЫН ХОЛБОО