УИХ-ын гишүүн О.Баасанхүү МАХН-аас УИХ-д сонгогдсон ч өдгөө нам бус болсон. Учир нь тэрбээр намын дарга Н.Энхбаяртайгаа түнжин хагарч, албан тушаалыг нь булаах гэж оролдсон ч бүтэлтэй зүйл болоогүй. Улмаар тэрбээр АН-д талтай болсон. Өнгөрсөн онд гэхэд л О.Баасанхүү АН-ын зөвлөлд нэгдэж, бүлэг байгуулан хамтран ажиллах хүсэлт хүргүүлсэн талаараа мэдээлж байв. Өнгөрсөн хугацаанд түүнийг АН-д элсэх гэж байгаа талаар мэдээлэл гарч байсан ч үгүйсгэж байсан. Хэд хоногийн өмнө гэхэд л түүнийг АН-д элсэхээр болсон, гишүүнээр бүртгэж, тун удахгүй үнэмлэхийг гардуулна. 2020 оны УИХ-ын сонгуульд АН-аас нэр дэвшихээр болсон гэх мэдээлэл гарч байсан. Тэгвэл УИХ-ын гишүүн О.Баасанхүү АН-аас нэр дэвшихээр 100 сая төгрөгөө өгчээ. Түүний нэр сонгуульд өрсөлдөхөөр 100 сая төгрөгөө өгсөн гишүүдийн нэрсийн жагсаалтад байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна