БНСУ-д коронавирусээр халдварласан хүний тоо 4000 давжээ

БНСУ-д ням гаргийн шөнө дундаас хойш коронавирусийн халдварын 476 шинэ тохиолдол илэрснээр, халдвар авсан нийт хүний тоо 4212 болж нэмэгдэж, дахин дөрвөн хүн нас барсан гэж тус улсын Эрүүл мэндийн яамны дэргэдэх Өвчинд хяналт тавих, урьдчилан сэргийлэх төв мэдээллээ.

Шинээр илэрсэн тохиолдлуудын 377 нь Дэгү хотод, 68 нь Умард Гёнсан мужид үлдсэн нь бусад бүс нутагт бүртгэгджээ. Нас барсан тохиолдлын тоо 22-т хүрсэн бол 31 хүн эдгэрсэн байна. Одоогийн байдлаар 33 799 хүний шинжилгээний хариу хүлээгдэж байгаа аж.

Нийслэл Сөүл хотод халдвар авсан нийт хүний тоо 91, Дэгүд 3081, Умард Гёнсан мужид 624, Гёнги мужид 92, Бусан хотод 88 болсон байна.

https://www.montsame.mn

ХОЛБООТОЙ МЭДЭЭ

Back to top button
Close