Цар тахал, хөл хорио, амралт зугаалгын сар гээд хэсэгтээ чимээгүй байсан улстөр маргаашнаас сэргэх нь. Төрийн ордонд УИХ-ын намрын чуулган нээлтээ хийх бол сөрөг хүчин болон Ардчилсан намыхан Төв талбай дээр “Одоо боллоо” гэх жагсаалыг зохион байгуулахаа мэдэгдээд байна.
Харамсалтай нь АН-ын жагсаал зохион байгуулагдахад хүндрэлтэй болжээ. Учир нь Сүхбаатар дүүргийн ЗДТГ, Цагдаагийн хэлтэс нь жагсаал зохион байгуулах зөвшөөрөл олгохгүй гэжээ. Хэрэв зөвшөөрөлгүй жагсаал цуглаан зохион байгуулбал гарах эрсдлийг нь зохион байгуулагч тал хүлээх болохыг анхааруулсан байна.
Ерөнхий сайдын зүгээс АН-ын жагсаалд хүндэтгэлтэй хандах чиглэлийг холбогдох хүмүүстээ өгсөн гэх. Чиглэлийн дагуу жагсаалын зөвшөөрөл олголоо ч “Одоо боллоо” жагсаал хөрөнгө мөнгөний гачигдлаар зохион байгуулагдахгүй байж мэдэх нь. Учир нь УИХ-ын гишүүн Б.Пүрэвдорж маргааш болох жагсаалаа зохион байгуулахын тулд мөнгөний эрэлд хатаж явна.
Уг нь энэ жагсаалын УИХ-ын гишүүн Б.Пүрэвдорж зохион байгуулж, намыхан нь дэмжихээ мэдэгдсэн. Нөхөн сонгуулийн сурталчилгааны энэ өдрүүдэд УИХ-ын нөхөн сонгуульд нэр дэвшигч Э.Бат-Үүлийг дэмжин нэгдэж байгаагаа илэрхийлж байсан ч АН-ынхан түүний сонгуулийн гол пиар болох "Одоо боллоо" жагсаал цуглааныг нь санхүүжүүлэхээс татгалзаж байгаа бололтой.
Эсвэл дээрээ нэгдэж чадсангүй юу ямартай ч Б.Пүрэвдорж УИХ дахь АН-ын гишүүдээсээ хандив гуйж эхэлжээ. Тэрбээр “Нөхөн сонгуультай холбогдуулан зохион байгуулж байгаа жагсаалд зориулж хандив өргөхийг гишүүдээсээ хүсэж байна. Б.Бат-Эрдэнэ, О.Цогтгэрэл нар хандив өргөсөн” гэх мессэжийг намынхандаа явуулсан байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна