ЭМЯ-ны газрын даргаар олон жил ажилласан Эрүүлийг хамгаалахын гавьяат ажилтан Д.Нарангэрэл томуу болон омикрон хувилбарын халдварын тархалтын талаар цахим хуудсаараа дамжуулан мэдээлэл хүргэжээ.
Д.Нарангэрэл:
- Омикрон хувилбарыг улирлын томуутай адилтгаж болохгүй. Зарим дарга нар Англи, АНУ-д халдвар хөнгөн явцтай байна гэжээ. Монголчууд бидний эрүүл мэндийн байдал өндөр хөгжилтэй тэдгээр орны иргэдийнхтэй зүйрлэшгүй доогуур. Бараг насанд хүрсэн гурван хүн тутмын нэг нь зүрх, бөөр, элэг, чихрийн шижин гэх мэт архаг суурь өвчтэй. Омикрон хувилбарын халдвар суурь өвчнийг нь сэдрээх эрсдэлтэй.
Өөрийн орны нөхцөл байдалд тулгуурлан ээлжээр, гэрээсээ, цахимаар ажиллах, баар, цэнгээний газруудын ажиллах цагийг богиносгох зэргээр хүний нягтрал, бөөгнөрлийг бууруулмаар байна даа.
Мөн тэрбээр, Омикрон хувилбарын тархалт маш хурдан, халдварлах чадвар өндөр, нууц үе богинохон 2-2,5-хан өдөр, яг л хүндхэн ханиад хүрсэн юм шиг шинж илэрнэ. Өмнө нь ковид-19-өөр өвдсөн хүн дахин өвдөнө. Бага насны хүүхдэд ларингит өгч хүндрэх эрсдэлтэй. Жирэмсэн эмэгтэйчүүд, хүүхэд, ахмадууд ер нь хэн ч байсан хатгаагаар амархан хүндэрнэ. Одоо бол томуу гэхээс илүү омикроны халдвар л их байгаа.
Амны хаалтаа тогтмол зүүх, ханиаж найтааж байгаа хүнээс хол байх, хүн хоорондын зайгаа сайтар баримтлах, хүний бөөгнөрөл үүсгэхгүй байх, олон нийтийн газраар явахгүй байх, хоорондоо зайнаас харилцах нь их чухал болоод байна. Энэ жил сар шинийн баярыг өнжвөл яасан юм бэ гэсэн байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.92
АНУ бас бөөн чихрийн шижинтэй таргалалттай манай иргэдээс доор эрүүл мэндтэй цагаан сараа хийнэ энэ муусайн эрлийзүүдийн үгэнд хууртсаар байж үндэсний баяр бахархал устаж үгүй боллоо цагаан сар хийхгүй no naadam ч гэх шиг тэгээд наадам хийсэнгүй гээд короноогоо барих биш бүр их тархсан биз дээ цаана нь асар их мөнгө идэх хүсэл энэ хүн тэр гаюьяагаа үнэлүүлсэн одоо яах гээд байна
Хариулах