Т.Доржханд: Хоёр жил гуйлаа, одоо ханалаа талбай дээрээ гаръя

УИХ-ын гишүүн Т.Доржханд мэдээлэл хийж, ирэх пүрэв гарагт жагсаал цуглаан зохион байгуулах талаараа мэдэгдлээ. 

Т.Доржханд: 

- Хэдхэн хоногийн өмнө жагссан залуучууд "Өөрсдөө хэмнэ" жагсаалын үр дүн, хүлээлт талаар боллоо. Бүгд харлаа. УИХ-д суудаг гишүүний хувьд урам хугарлаа. Бид өнгөрсөн 30 жилийнхээ алдааг давтаад ирэх 30 жилтэйгээ нүүр тулах юм байна. 

- Өнгөрсөн долоо хоногт УИХ Хөгжлийн банктай холбоотой улстөрчдийн асуудлыг нууцаар хэлэлцлээ. Хамгаалж авч үлдлээ. Ийм УИХ-д хэн итгэх юм бэ. Хэдхэн хоногийн өмнө хулгайтайгаа тэмцэнэ гэж мэдэгдчихээд хуулийн байгууллага нь шалгах гэтэл хамгаалж авч үлдэж байгаа нь маш хариуцлагагүй үйлдэл. Тиймээс УИХ-ын гишүүний хувьд цаашид УИХ-ын үйл ажиллагаанд оролцох боломжгүй гэдгээ албан ёсоор мэдэгдэж байна.

- Ганцаараа сууж байгаа ч гэсэн зөв зүйлийг нь дэмжье, бодлогын өөрчлөлт оруулъя,  иргэдийн итгэлийг олж УИХ-ын нэр хүндийг өсгөе гэсэн байдлаар 2 жил ажиллалаа. Үнэхээр өөрчлөлт гарахгүй юм байна. Тиймээс талбай дээр залуучуудыгаа уриалж, тэмцмээр байна. Ирэх пүрэв гарагт 5 дугаар сарын 5-ны өдөр "Өөрсдөө өөрчил, үгүй бол тар" гэдэг цуглааныг зохион байгуулна гэдгээ мэдэгдэж байна. 

- Бодлогооо өөрчилье, сонгуулийн тогтолцоогоо өөрчил. Эдийн засгийнхаа хотуудыг бий болгоё, тулгуур төвүүдийг дэмжье. Эдгээрийг Үндсэн хуульдаа оруулъя. 

- Эрдэнэт, Дархан хотын Аж үйлдвэрийн хот, Замын-Үүдийг худалдаа, Хархорин тээвэр ложистик, Багануур, Налайхыг оюутнуудыг хот болгомоор байна. 

- Монгол улс 330 сумтай, төр нь данхайчихсан. Гэтэл нийслэл дэх хороонууд нэмэгдсээр байна. Юуны төлөө вэ, сонгуулийн төлөө шүү дээ. 

- Өөрсдөө хэмнэ гэж байхад тодотголоор 18 их наядын алдагдалтай төсвөө тэр чигээр нь баталчихлаа.  Ямар ч хэмнэлт гарсангүй. Энэ бол буруу тогтолцооных. Тиймээс би өнгөрсөн 2 жилийн хугацаанд тойрогтоо ийм мөнгө тавиулмаар байна гэж нэг ч удаа орж байгаагүй. Харин тогтолцоогоо өөрчил гэж гуйж ирсэн. Одоо ханалаа, болохгүй байна, талбай дээрээ гаръя гэв.