МАН-ынхан Д.Сугарыг өмөөрөв

1149

УИХ-ын Хууль зүйн байнгын хорооны хуралдаанаар Үндсэн хуулийн Цэцийн гишүүн Д.Сугарт хариуцлага тооцох асуудлыг хэлэлцсэн ч МАН-ын гишүүдийн хүсэлтээр хойшлуулав. Д.Сугарыг МАН-ын угшилтай хүн гэдгийг олон хүн мэднэ. Тэгвэл түүнийг МАН-ын гишүүд нь өмөөрч, Д.Сугарт хариуцлага тооцох асуудлыг байнгын хороо хэлэлцэх шаардлагагүй гэдэг байр суурийг МАН-ын ахмад гишүүд болох Ө.Энхтүвшин, Д.Лүндээжанцан нар хэлээд амжив.

Уг нь төрийн албан хаагч нь хөрөнгө орлогын мэдүүлэгээ нуун дарагдуулсан, хожимдуулсан тохиолдолд хариуцлага тооцдог. Гэтэл Д.Сугар нь гадаадад байгаа үл хөдлөх хөрөнгө, офшор дансаа хөрөнгө орлогын мэдүүлэгтээ мэдүүлээгүй нь хууль зөрчсөн байхад УИХ-ын гишүүд нь хаацайлаад сууна гэдэг байж болох уу. Гадаадад байгаа үл хөдлөх хөрөнгө, оффшор дансаа нууж байгаа нь Үндсэн хуулийн цэцийн гишүүнд байж болох ёс зүй юу гэдэг дээр зарим гишүүд шүүмжлэлтэй хандаж, ажлаас нь чөлөөлөх ёстой гэж үзэж байсан юм. Ямартай ч Үндсэн хуулийн цэцийн гишүүн Д.Сугарт хариуцлага тооцох асуудлыг хойшлуулж чадав, МАН-ын бүлэг.

Манай сайт танд таалагдаж байвал LIKE хийгээрэй. Танд баярлалаа.

Энэ мэдээ танд таалагдаж байвал LIKE хийгээрэй. Танд баярлалаа.

Сэтгэгдэл


Таньд 1000 тэмдэгт бичих эрх байна.
АНХААРУУЛГА: Уншигчдын бичсэн сэтгэгдэлд tvmongolia.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.