Б.Наранхүү УИХ-ын 39 чуулганы 5-д нь л суужээ

1111
2018 оны 02-р сарын 22

УИХ өнгөрсөн намрын чуулганыхаа ажлыг дүгнэж байна. Намрын чуулганы хуралдаан 39 удаа болж.
УИХ-ын гишүүн Б.Наранхүү 34 удаагийнхад нь суугаагүй байна. Ингэхдээ есөн удаа чөлөө авсан бол 25 нь ямар ч шалтгаангүй тасалжээ.

Түүний энэ үзүүлэлт УИХ-ын бүх цаг үеийн хурал таслагчдын рекордын тогтоож байна.

Түүнээс өмнө 2004-2008 онд УИХ-д сууж байсан "Симба" Ц.Батаа нэгтэргүүлдэг байжээ.

Б.Наранхүүгийн хувьд УИХ-ын чуулганд хүрэлцэн ирэхдээ Засгийн газар огцрох, томилогдох, Б.Хурцыг БНСУ-д Элчин сайдаар томилох, эсэх гэх мэтэд л суусан.

Уг нь түүнийг УИХ-ын чуулганы хуралдаанд суудаггүй хэмээх үндэслэлээр эргүүлэн татуулахаар хуульч 3 залуу Үндсэн хуулийн цэцэд хандсан. Гэвч Үндсэн хуулийн Цэц уг асуудлыг шийдэхдээ Б.Наранхүүг эгүүлэн татах үндэслэлгүй хэмээн үзсэн юм. УИХ дахь АН-ын бүлэг уг нь 9 гишүүнтэй ч Б.Наранхүүг бүлгийнхээ хуралд морилохыг харсан хүн ховор гэх.

Харин Б.Наранхүү болон түүн шиг чуулгандаа сууж үндсэн ажлаа хийдэггүй нөхдүүдийг эргүүлэн татаж байх боломжтой болохоор УИХ-ын Дэгийн тухай хуульд нэмэлт, өөрчлөлт оруулах тухай хуулийн төсөл өргөн баригдаад байгаа. Уг хуулийн төслийг хаврын ээлжит чуулганаар хэлэлцэх хүлээлт ч байгаа юм.

И.Болд 

Манай сайт танд таалагдаж байвал LIKE хийгээрэй. Танд баярлалаа.

Энэ мэдээ танд таалагдаж байвал LIKE хийгээрэй. Танд баярлалаа.

Сэтгэгдэл


Таньд 1000 тэмдэгт бичих эрх байна.
АНХААРУУЛГА: Уншигчдын бичсэн сэтгэгдэлд tvmongolia.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.