Ц.ШИЖИР: Иргэдэд зуслангийн газар өмчлүүлэх ажил 8 сарын 1-ээс эхэлнэ

1182

“Газар өмчлөлийн ажлыг эрчимжүүлэх” тухай нийслэлийн Засаг даргын А/624 тоот захирамжаар нийслэлийн Иргэдийн Төлөөлөгчдийн Хурлын Тэргүүлэгчдийн 2012 оны Зуслангийн ерөнхий төлөвлөгөө батлах тухай 25 дугаар тогтоолоор батлагдсан 26 байршилд Ерөнхий төлөвлөгөөний дагуу зуслангийн зориулалтаар эзэмшиж байгаа газрыг иргэдэд өмчлүүлэх бэлтгэл ажлыг хангаж, эхлүүлэхийг нийслэлийн Өмчийн харилцааны газарт даалгажээ. Захирамжийн биелэлт ямар шатандаа явж байгаа талаар нийслэлийн Өмчийн харилцааны газрын Газар өмчлөл, өмчийн менежментийн хэлтсийн ахлах мэргэжилтэн Ц.ШИЖИР-ээс тодрууллаа.

-Нийслэл анх удаа иргэддээ зуслангийн газрыг өмчлүүлэх гэж байна. Энэ ажил ямар шатандаа явж байна вэ?

-Зуслангийн газрыг иргэдэд өмчлүүлэх ажлын бэлтгэл хийгдэж байна. 8 сарын 1-нээс Чингэлтэй, Сүхбаатар дүүрэгт Ерөнхий төлөвлөгөө, хэсэгчилсэн төлөвлөгөөний дагуу зуслангийн газарт хамрагдсан газрыг иргэдэд өмчлүүлж эхэлнэ. Эхний ээлжинд Чингэлтэй, Сүхбаатар дүүргийн 26 амны наймд нь 27 000 иргэнд зуслангийн газрыг нь өмчлүүлэх боломжтой болоод байна. Цаашид ч бусад амуудад газар өмчлөгдөнө.

- Зуслангийн газар өмчлөх хүсэлтэй иргэд ямар шаардлагыг хангах ёстой вэ?

-Бид ирэх сарын нэгнээс зуслангийн амуудад “Зуслангийн товчоо” байгуулна. Энэ товчоо нь иргэд зуслангийн газраа хэрхэн өмчлөх, шинээр газар авахад ямар шаардлагыг хангасан байх талаар дэлгэрэнгүй мэдээллийг бүгдийг нь өгнө. Хаана, хаана товчоо байгуулагдсаныг тухай бүрд нь хэвлэл мэдээллээр мэдээлэх болно.

-Иргэний өмчилж авах газрын хэмжээг хэрхэн тогтоож байгаа вэ. Хот дотор 0,7 га газраа авсан иргэд зуслангийн газар өмчилж болохуу?

- Гэр бүлийн хэрэгцээний 0,7 га газар авсан иргэд зуслангийн газар өмчлөх боломжгүй. Ямар нэгэн газар өмчилж аваагүй иргэд “Газар өмчлөл”-ийн тухай хуулинд заасанчлан дээд тал нь 0,7 га газрыг өмчилнө Үүнээс хотын ерөнхий төлөвлөгөө болон хэсэгчилсэн төлөвлөгөөнд зарим хэсэг нь орсон бол хэмжээнээс нь хасагдаж олгогдоно. Хамгийн гол нь иргэдэд зуслангийн газар өмчлүүлчихээд дараа нь газраас нь хумсалж зам, барилга барихгүйн тулд эхнээсээ олгохдоо хотынхоо ерөнхий болон хэсэгчилсэн төлөвлөгөөг тооцож өмчлүүлэх юм.

Манай сайт танд таалагдаж байвал LIKE хийгээрэй. Танд баярлалаа.

Энэ мэдээ танд таалагдаж байвал LIKE хийгээрэй. Танд баярлалаа.

Сэтгэгдэл


Таньд 1000 тэмдэгт бичих эрх байна.
АНХААРУУЛГА: Уншигчдын бичсэн сэтгэгдэлд tvmongolia.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.