Ардчилсан намын дарга, Монгол Улсын Ерөнхий сайд Н.Алтанхуяг танаа

1480

Мэдэгдэл хүргүүлэх тухай

Монголын ард түмэн ардчилал, зах зээлийн нийгмийг улам гүнзгийрүүлэхийн тулд Ардчилсан намд саналаа өгч ардчиллын Засгийн газар тогтсон билээ. Гэвч ардчиллын автор болсон Ардчилсан нам засгийн эрхэнд гарангуут ардчилал нэрнээсээ хүртэл татгалзан өөрсдөдөө “Шинэчлэлийн” хэмээх Засгийн газрыг бий болгосон. Энэ “Шинэчлэлийн” хэмээх Засгийн газрын явуулж байгаа бодлого, шийдвэр, үйл ажиллагаа ард түмнийг үнэнхүү гайхшируулахад хүргэж байна. Ардчилсан нам болон түүний байгуулсан “Шинэчлэлийн” гэх Засгийн газар ардчилал, зах зээлийнхээ зарчмаас улам бүр ухарсан бодлого, шийдвэр явуулж байгаа нь ард түмнийг ийнхүү эргэлзээ тээнгэлзлэлд хүргэж байна.

Үүний гол жишээнд ардчилсан нийгмийн үндэс болсон чөлөөт хэвлэл, хэвлэлийн эрх чөлөөнд халдах бодлого удаа дараа явуулсаар байгааг цохон тэмдэглэж байна. Веб сайтуудын сэтгэгдэл нэрээр сайтуудыг хянах гэж оролдох, кабелийн телевизүүдийг хоморголон хаах, хэвлэлийн эрх чөлөөний хууль нэрээр хэвлэлийн эрх чөлөөг бүрэн хумих хууль батлуулахаар оролдох, одоо сайтад зөвшөөрөл өгдөг болохоор санаархах зэрэг үйлдлүүд нь үүний баталгаа юм. Ардчилсан нийгмийн үндэс нь чөлөөт хэвлэл мэдээлэл юм. Чөлөөт хэвлэл мэдээллийн үндэс суурь нь эрх баригчдын яриад байгаа нийтийн хэвлэл мэдээлэл огтхон ч биш бөгөөд хувийн өмчид тулгуурласан хэвлэл мэдээллийн чөлөөт байгууллага мөн билээ. Эрх баригчдын батлуулахаар зүтгэж байсан хууль нь хувийн хэвлэл мэдээллийн эсрэг хууль юм.

 

Эздийг редакци руу оруулахгүй, хөрөнгө оруулсан эздийг гэмт хэрэг хийсэн хүн мэт зарлах ёстой гэдэг нь хувийн хэвлэл мэдээлэлд хөрөнгө оруулахыг хориглож байгаа хэрэг. Мөн хэвлэл мэдээллийн хэрэгсэлд тодорхой хувиас илүү хөрөнгө эзэмшихийг хориглох зэрэг бүдүүлэг заалттай хуулийг өргөн барьж байсан. Хэрэв энэ гурван заалт хэрэгжсэн бол Монголд хувийн мэдээлэл үндсэндээ устаж нийтийн хэвлэл мэдээлэл гэгч бий болох байсан. Энэ бодлогын цаад санаа нь хэний ч эзэмшил биш нийтийн хэвлэл мэдээлэл дээр эрх баригчид дураараа дургих гэсэн санаархал байв. Олон нийтийн үгийг тэрэн дотроо хэвлэл мэдээллийн үгийг үл сонсох бүдүүн хүзүүтэй “Шинэчлэлийн” хэмээх энэ Засгийн газар нь одоо ч чөлөөт хэвлэл мэдээллийг нухчин дарж, айлган сүрдүүлж өөрсдийнхөө дуулгавартай гар хөл болгохыг санаархсан хэвээр байна. Монголын анхны хувийн чөлөөт хэвлэл болох “Өнөөдөр” сониныг нийтлэгдсэн материалынх нь мөрөөр тагнуул цагдаагаар шалгуулах гэж оролдож байгаа нь үүний баталгаа юм.

 

“Оросын төмөр зам” хувьцаат нийгэмлэгийн ерөнхийлөгч В.Якунины Ерөнхий сайдад хаягласан захидал “Өнөөдөр” сонинд нийтлэгдсэн. Хэвлэл мэдээллийн байгууллага мэдээлэл олж нийтлэх үүрэгтэй болохоос нууц хадгалах үүрэггүй. Мөн эх сурвалжаа нууцлах язгуур эрхтэй. Чөлөөт, ардчилсан хэвлэл мэдээллийн мэдээлэл олж авах, түүнийгээ хэвлэн нийтлэх, түгээн дэлгэрүүлэх үндсэн эрхэд нь хэрцгийгээр халдаж гэмт хэрэг хийсэн мэт бүдүүлэг аашлах нь ардчиллын язгуур эрх ашигт харшилж байна. “Шинэчлэлийн” хэмээх Засгийн газар чөлөөт хэвлэл мэдээлэл, хэвлэлийн эрх чөлөөнд халдсан энэ балмад үйл ажиллагаагаа таслан зогсоохыг хатуу шаардаж байна.

 

Өдөр тутмын сонинуудын холбоо


Хэвлэл мэдээллийн байгууллагуудын нэгдсэн холбоо


Мэдээллийн сайтуудын ассоциаци


Хувийн хэвлэл мэдээллийн эздийн холбоо

Манай сайт танд таалагдаж байвал LIKE хийгээрэй. Танд баярлалаа.

Энэ мэдээ танд таалагдаж байвал LIKE хийгээрэй. Танд баярлалаа.

Сэтгэгдэл


Таньд 1000 тэмдэгт бичих эрх байна.
АНХААРУУЛГА: Уншигчдын бичсэн сэтгэгдэлд tvmongolia.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zxxx 76.164.234.42 UNITED STATES
UNITED STATES
ene demi yum bichej humuusin tarih ugaaha boloich ardchlal geheer l buh yumn zadgai bain gej yu bhaw de zarim site bol arai dendu shud huni yumg huulaal tawij bgashd. zowol yum hij bn shd zohoigchin erhin hamgaalj bgan tegeed tanai ene setguulchiher buruu yumu. chini hols hodlmoroo gargsan yumg haa saigui tawaid bdagn ardchilal gesen ugu chinihaar ****
ЯАЖ БИ:  ТЭРЭНД ЗОРИУЛАВ