Монгол эмэгтэй гэртээ 78 кг хар тамхи хадгалан нутаг нэгтнээ золиосолж байжээ

2517

Манай улсын иргэд Зүүн өмнөд Азийн хар тамхины томоохон сүлжээнд элсэж, брэндийн бараа зөөх, аялах нэрийдлээр мансууруулах бодис зөөж байгаад гадаадын хууль хяналтын байгууллагынханд саатуулагдсан тохиолдол нэлээд гарсан. Хар тамхи тээвэрлэсэн хэрэгт манай 38 иргэн холбогдон олонх нь шийтгүүлж, заримынх нь хэрэг мөрдөн байцаалтад байгаа. Саяхан Малайзад манай улсын гурван иргэн баригджээ.

Баригдсан хүмүүсийн нэг нь монголчуудаараа мансууруулах бодис тээвэрлүүлж, цөөнгүй гэр бүлийг амьдын хагацалд унагасан Баянжаргалын Халиун. Тэрбээр 1978 онд төрсөн, Сүхбаатар дүүргийн X хорооны нутаг, 32- ын тойргийн орчимд амьдардаг байсан гэдэг. Эгч Б.Хулангийнхаа хамт БНХАУ-ын Бээжин, Гуанжоу, Шэньжэнь, Хонконг болон Малайзад амьдарч, Африкийн нэгэн орны харьяат, хар тамхи, мансууруулах бодисын гэмт бүлэглэлийн гишүүн хоёр иргэнтэй гэр бүл болж, 60 гаруй монгол иргэнийг элсүүлэн энэ төрлийн гэмт хэргийн золиос болгоод байгаа юм. Түүгээр зогсохгүй тэд төрсөн эхийгээ ч гэмт хэрэгтэн болгочихоод байгаа.

Б.Хулан, Б.Халиун нар Бээжин, Хонконг, Малайзаас олон улсын банкны гүйлгээний “Western Union” үйлчилгээг ашиглаж, Монгол дахь гар хөл бологчдынхоо данс руу 1000-5000 ам.доллар илгээж, золиосны хүнээ олдог. Ээж нь уг мөнгийг нь авч, золиос бологсдод өгдөг, гадаад паспорт авч өгөх ажлыг нь хариуцдаг байсан гэнэ. Тэдний дүү Б.Билгүүн гэх залуу эхнэрийнхээ хамт хар тамхи тээвэрлэсэн хэргээр Казахстанд ял эдэлж буй бөгөөд эгч нарынхаа гар хөл болсноор гэр бүлээрээ шоронд сууж байгаа аж. Б.Халиуныг өнгөрсөн хавраас хойш Малайзын хууль хяналтын байгууллагынхан шалгаж буй. Бидний авсан мэдээллээр тус улсын хууль хяналтын байгууллагынхан хоёр хүнийг түүний хэрэгт холбогдуулан саатуулсан юм байна. Тэдний нэг нь найз бүсгүйнхээ амьдардаг оюутны байранд очсон залуу. Түүнийг очсон шөнө цагдаагийнхан нэгжлэг хийж, гэрээс нь нэг кг гаруй героин хураан авч, оюутан залууг найз бүсгүйнх нь хамт саатуулсан аж. Найз бүсгүй нь Б.Халиуны гуйснаар уг нэг кг хар тамхийг байрандаа хадгалж, хүнд дамжуулан өгөх гэж байжээ.

Харин өмнөх шөнө нь цагдаагийн ажилтнууд Б.Халиуны гэрт нэгжлэг хийж 78 кг героин хураан авсан гэнэ. Түүний нөхөр, эгч Б.Хуланг нь БНХАУ-ын хууль хяналтын байгууллагаас эрэн сурвалжилж буй гэсэн.


Г.РАВЖАА

Манай сайт танд таалагдаж байвал LIKE хийгээрэй. Танд баярлалаа.

Энэ мэдээ танд таалагдаж байвал LIKE хийгээрэй. Танд баярлалаа.

Сэтгэгдэл


Таньд 1000 тэмдэгт бичих эрх байна.
АНХААРУУЛГА: Уншигчдын бичсэн сэтгэгдэлд tvmongolia.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
mgl chuka 182.160.39.4 MONGOLIA
MONGOLIA
ter hvvhenii zurgiig ni tawiach ter teneg hvvheniig harmaar bna ****
zoch 183.177.96.34 MONGOLIA
MONGOLIA
mongoos oor yum medehgyi muu hymyys eh bolson minii hamaatan bas iim shunaltai hymyys bdag shtee odoo bi lab gaihahaa bolison
999 202.170.68.131 MONGOLIA
MONGOLIA
Sain ajillajee odoo egchiig ni bariarai hunii musgui ehee ch mungunii zolios bolgoj chadsan olon hunii amidraliig busniulsan humuusiin uiliin ur ni uursdud ni buujil taaraa bultah zam ugui sh dee **** ****
ZOCHIN 50.158.203.87
TIIMUU. OORSDOO EMEGTEICHUUD ,TEGEED EEJ NI KHURTEL KHUNII SHUNAL GEJ AIMAAR YUMAA.
xunii naimaachid 76.87.70.233 UNITED STATES
UNITED STATES
yooooyo ene baliar shulmasuud zuvxun xar tamxi bish bas xun naimaalax xeregt xolbootoishde. B. Xaliun gej zagvar zoxion buteegch gsen xudlaa setertei terniixee ard oxiduudiig ereen beejind zardag eej ni bux xar ajliig ni xiideg. bi 2000 ond ereenees beejin orox bus.nd xamgiin ariin suudal deer zeregtsej yavj taarsan ter ued neg xamt yavsan emegteidee zarsan xuuxnuudiinxe tuxai yarij bxiig sonsson. yostoi oi gutmaar avgai!